الشاعرة زهرا جبار الاهوازية

هنا سيتم تسجيل آلام المجتمع وآلامي

قصيدة عثر الحرامي

نار و عاصفه و دخان ركت خيل
و عثرت فاطمه و خرنوب ضحكت ليل

سچین و رمح سیف و حبل و اچفوف
وخیمه ابلاعمود و فاگفه اتهلهل

گاع ابلا رحم ذبحت حلم چم بیر
گلبت طینها و من هدت اتهرول

اعاین علخیم بس الله عینی اتشوف
واعاین للنهر بجروفه شابع دم

ردیت و عثرت بلوعت الکاروک
و دللول التدور بنبال ازغر
ردیت و خیمهن صاحت امیه
زلف الخانگه الدخان یعمه ایراوی ترچیه
وچف المازرع نخله بسلف جوعان یشرم ذان البنیه
عرس حفنة فرح وانطش مای ابگاع عطشانه
نعاوی اتگبعت هلهولت افلانه
شرید احچی و دربهم لیل مابی خیر
عمه وگادته چف عمیان تبعو صوت ضحکت لیر

خذتنی الصفنه حد ما فرن من ایدی القوافی
و عثر مطلع قصیدی و الختم یم سجدة الخنصر
وشفت مبیوگ محبس والحرامی اینوح علمنحر

محبس نور مرسومه بشذرة الله
حرامی ابلا وضو فوگ الصدر صله

ردیت و تابعت اثر الحرامی امنین
و جابتنی الرسایل گود للمنبر
للناس النسو حیدر
ولاگیت الاثر وجه ابوجه شاهود سبحه و چف


زهرا جبار