الشاعرة زهرا جبار الاهوازية

هنا سيتم تسجيل آلام المجتمع وآلامي

قصيدة صفنة

من یا ذنب آدم طحت للگاع صبخه و سولفونی الشوک والخرنوب سله
ابیا سوالف زودیت الطین بله

حسرات یا عاجر نعتنی و هزنی کاروک اللسن
من یا نبی شنقيت آيه و غرغر ابچفی الرسن

ابیا جدر مدیت حلمی و بیه فزت ناس طرشه
ابیا جرح مریتهم کومة ملح رشه علی رشه

اتگرگدت من یا قلم چلمه و طحت بسنون مساحة غرب
فانوس یا سچة العميته و رمدت اعيون الدرب
من يا حرب
رديت حلقه ابلا عرس
شمروني حتى اطفالهم شمرة ضرس
ابلا شمس

مليت من ضحكت وردهم من يعيروني ابصفاري
و تعبيت من جارس بردهم ذبلو بية خضاري

حسرات تاخذني اعله طولي و شيبت بية الگذل
من يا اگلاده اتدحرجت للگاع خرزه و صاغنی العالم حجل

امرایة چنی و للصخر مطلوبه ثار
کل ساعه یرمونی ابسوالفهم قصر
حنطه و وسط رحه انعصر

منهو یجابلنی ابصفنتی
الفین لیش و لیش عندی
یا هو الیرد و یخبط الصفنه ابصفنتی

زهرا جبار
17ژنویه 2022