قصيدة

نشدوا علیه و گاللهم شعلیه
کوسر رکس و اتهدّمت کل فیه

گلهم جریده و طاح منها الالوان
لا ظل خبر لا خیط لا ترچیه

زورق تنک طشيتها سم زنجار
طین و طفح و اتفشکلت طاریه

ابره العمت مگعادها ابفطر الطوف
مای التبده امدانِته مچفیه

محبس زغل من طاح فشل راعیهْ
الناس ما تنسى الحچی المحچیه

تنور حامی و غشنی باول مخباز
طاح الرغیف و خلصت الحنیه

مصباح ما ضوی ابدرب حتی ایموت
واشی الیجیب اخبارها یومیه

اضحک چذب و الجامه یکتلها الغیظ
افرح و اطش اعله السلف عیدیه

گلوله مسها الضیم افزع تچای
گلهم چتف مات و خلص راعیه

گلوله هذا ابلیس انعل الشیطان
فرق السکر والصّلّه بس بالنیه

گلهم گزاز وی الصخر ما يلتام
مای و نفط ماینجمع تالیه

خلونی مرتاح وابد لا تقرون
یم اذنی سورة فاتحه و جاثيه

كلهن ذكرهن طعنه تسبق طعنات
کاتل نهر ، ذابح حلم گمریها

عرف نوايا الخيل منّ الخيال

اسحب رسنها السالفه المگضیه
دله و چفوها و فرهدوا گمگمها
شتفیدنی احلام و حچی الوردیه
وسط المگابر بيت أبنی و لاکون
بٱشیال تابوتی یمن منیه

۲سپتامبر۲۰۲۰