الشاعرة زهرا جبار الاهوازية

هنا سيتم تسجيل آلام المجتمع وآلامي

قصيدة  ماسمعتي

چنت اگلچ صحبت اللیل الركبة
غندبيتي و گتلچ المابیها خير
تعله توگف علسنابل
وگتلچ الفلاح يفرح لو شبع بطن المناجل

گتلچ الصحراء عاهر
تختف اعيون الصدگ تنطي سراب
وانتي جدمچ حيل خاوي
حنطة راوتچ دغلها و بايعتچ بس شعیر
مدي رجلچ گتلچ ابگد الحصیر


گتلچ الوادم دغش والبير اخرس
و جدمج اعمه و قشمروچ بحلم وردي
چنت اگلچ
ضلي بسوالف عرب هيبة نبي
ولا تبدين القصور على الصرايف
و طين بالج لا تصيرين ابعبي
ما سمعتي و درتي وجهچ
واتسرسحيتي و دلوچ الهلهل وراچ
لیش من گتلچ حبلهم حیل باید
رفضن اسنینچ ضواي
وانا مصباح العگل و بچفي راي


ليش من گتلچ دربهم ليل اسود
انتچیتي و صخميتي وين ما بعمرچ بیاض
گتلچ التبلیط ماشی وي الشوارع
ما يدير البال للدربونه خانگهه التراب
گتلچ ايموت الضوه لو فز ضباب
ماسمعتي و طحتي طيحت شاة بسنون الذياب
يا حسافه الماسمعتي


هاي أخر دمعتي و بيت القصيد
(روحچ ابروحي استحي اتقيسينها)*
عفتي صبحي و سافريتي وي الدجل
انا تاج علی الشرف ضلیت
وانتی هلهولت حجل

زهرا جبار
٢٠٢١/۴آوریل

*الشاعرة سماح فرقد